Suda Dasilva News in Church

                             Waaqa Nu Jaallateef

Goota Qaraaniyoo isa nu jaallaate

Du’a isa nuuf maluu kan nurraa darbate

Nu waame kiristoos inni nun jibbinee

Galata  galchaafi isaan ifa arginee

Arjummaan isaa hin dhumuu araarrisaa danuu

Namaan yoo  jibbamnes kiristoos nun ganuu

Kenninee hin dandeenyuu oolmaan isaa kumaa

Uumaakoo ulfaadhuu ati  yoomuu addumaa

Ha kaasnu maqaasaa ha waamnuu guddisnee

Isaaf dhugaa baana ifatti mul’isnee

Ragaa nuuf ba’a innis fuula abbaasaatti

Waaqa nu jaalateef ililleen hin xiqqaatti

Isatti kennina ba’aa keenya maraa
Jabaadha obbolaakoo wal cimsaa adaraa

Karaaf daandii dhiphaan golli qulqullootaa

Balballi fayyinaa baqaan cubbamootaa

Teewayidoo qabadhaa jiraadhaa namootaa

Kennaa kiristoosiif maqaasaa olkaasaa

Ilmi maariyaamii heedduudha oolmaansaa

Ba’aa ba’aa caaluu isa nuti hin baannee

Nurraa fuudhee gatee kiristoos nun gannee

Hin ganuu an waaqakoo isatu naaf jiraa

Dhaamsa xiqqoon qabaa dhaga’aa yaa firaa

Kadhaadhuu cubbuukeef hin ciisin gonkumaa

Yeroon qaba hin jedhiin otuu raftuu dhumaa

           
Har’aa yeroo nagaa yeroo humna  qabdu
Hundumaa hin raawwattaa homaallee hin dadhabduu
Hin haftu akkanattii dadhaabbinis jirtii
Utuu ati hin beekin barittiin sii dhuftii

Dammaqi maaf raftaa hirriba dullumaa

Himadhu cubbuukee maaf jettaa callumaa

Yoo himatte malee cubbuukee dhossitee

Fayyina hin argattuu foonkee ofitti goobsitee

Hubadhuu dargaggoo hin laalin waan baraa
Yaadi lubbuukeetiif  deebi’i adaraa
Si waama kiristoos inni yoom si dagatee
Ililchii waaqakeef tola si jaallatee

Akka si eeganiif gartuu ergamootaa

Sii jaabeessuuf jecha gare qulqulloota

Nuuf  hundaa nuuf kennee laalaa yaa namootaa

Nun jibbu ilmi maariyaam hedduu nu jaallataa

Qabadhuu fannookee hin gatiin tasumaa
Isatuu si eega galgalaaf ganamaa
Waaqayyoo dhiigaasaa irratti lolaasee
Fayyinaaf si dhaabee rakkookee mancaasee

                 

                         

                                                   Lubbuutoo                                              

      

                         Kottu boontuu kiyya hin taa’in halaala

           Ijjikoo yeroo hundaa si qofa ilaalaa

           Maarree natti kottu onneenkoo si feetii

           Atis kiyya ta’i anis yoomuu keetii  

        Onnekoo gaafannaan si qofaa filate

        ishii malee jedhee iyyata galfatee

        Amaanuu hin dandeenyee hangan si jaalladhuu 

        Chaappeffamtee natti kanaaf sin dagadhu

        Giiftikoo lubbuutoo qabde waankoo mara

        Sammuunkoo akka hin dhuufnee sodaadhe adaraa 

        Na moote bareedduu egaa harkan siif laadhee

        Hundumaayyuu dhabee bagan si qabaadhee

        Guyyaa ati na faanaa yeroonkoo miidhagaa 

        Raabsituun dhiigakoo lubbuu siin dalagaa

        Adda hin baanu yoomuu waliin hundaa tarraa

        Abdadhu lubbuutoo hundumaa hin agarraa